فيلم Yoru wa Mijikashi Arukeyo Otome مترجم

يعتبر الفيلم مزيج ما بين مخرج تاتامي(ماساكي يواسا بحبه لدرجة اني حاطط 4 اعمال ليه في التوب 10) وارت ستايل تاتامي واسلوب تاتامي و كاتب رواية تاتامي وشخصيات تاتامي ذات نفسها واوستات تاتامي والفرقة اللي عملت اغنيه تاتامي بس بقصة تانية. الفيلم اتعمل 2017 ورومانسي شريحة من الحياة (يعني مش عمل قديم من التسعينات عميق فلسفي محتاج شرح) قبل ما اتكلم عن الفيلم عايز اقول انه يفضل انك تكون شايف تاتامي عشان في references لحاجات حصلت قبل كدة في الانمي بس عادي جدا تقدر تشوف الفيلم من غير ما تكون شايف تاتامي.اول حاجة هتشدك للفيلم الارت ستايل بتاعه اللي بيتميز بكونه بسيط جدا ومريح للعين الارت ستايل دة بيدي جو جميل ومبهج للقصة الانمي مش بيناقش افكار وجودية فلسفية (نفسي ان الناس تفهم ان الانمي مش لازم يبقى عميق عشان يبقى حلو) الأوستات هي فعلا بتعيشك جو تاتامي من الراحة والهدوء ولو انت شوفت تاتامي هيديك احساس بال nostalgia زي ما عمل معاياممكن ناس كتيرة تكون شافت انميات رومانسية وبتكره النوع دة بس اضمنلك ان الفيلم دة مختلف طب ليه ؟ 1- على عكس باقي الافلام الرومانسية اللي بتتصف بالهدوء والحركة القليله ماساكي يواسا له نظزه مختلفة تتعلق بالموضوع دة وظهر فعلا في فيلم Mind Game كله مليان حيوية وتحرك للشخصيات ودة بيخدم فكرة مايند جيم بشكل عام بس ازاي يواسا بقدر يدخل المفهوم دة في فيلم رومانسي؟؟؟!! ماساكي دايما بيثبت نفسه انه مخرج عبقري وبطريقة استثنائية هتلاقي الفيلم مليان حركة ونشاط مش مجرد كلام بين اتنين واقفين وخلاص 2- اي حد شاف انمي تاتامي عارف كويس ان رومانسية تاتامي مش كانسر ومفيهاش اي نوع من المحن وبتمتاز بالهدوء واكتر حاجة استثنائية فيها برضه انه عرف يستخدم الرومانسية دي في خدمه سياق القصة هنا بقى كأنمي بيركز على الرومانسية مش هتلاقي شخصيات بنات كانسر اكشلي شخصية البنت هي نفسها من تاتامي والتركيز عليها هنا اكتر حتى من البطل فناس كتيرة هتستمتع بالموضوع دةابالنسبة للقصة هي مش بتاخد مسار معين او بتكون ثابته في مكان واحد وخلاص المخرج كل شوية بيغير في الاماكن وبيديك فرصة اكبر انك تستكشف العالم اللي حواليك الانمي مش مقيد بمكان محدد ومش بيخضع للقواعد دي انما مجرد سرد جميل وراقي للقصة.مش عايز اتعمق في القصة واقول عن ايه عشان اخلي الناس تستمتع بأكبر قدر بس هدي فكرة عامه.البطل بيحب بنت معاه في نفس الكلية والبنت بتحب كتاب ومن هي صغيرة البطل بيحاول يدور على الكتاب دة ويوصلها عشان البنت تحبه قصة تافهة وممله صح ؟ شوف الفيلم وابداع ماساكي فيه الفيلم من مجرد ساعة ونص خلاني احب الشخصيات بغباء زي شخصية البنت ممكن يخليك مثلا تحطها في الفافوريتس عندك واكتر حاجة عجبتني الحقيقة هي الاغاني بتاعت الشخصيات كانت روعة بجد اي عمل فني فيه عيوب بس انا مش مهتم وملاحظتهاش من كتر جمال ال visuals اللي قدامي الفيلم ببساطة دخلني في جو من التغيير وعيشني تجربة مبهجة ودة كافي انه يدخل التوب 10 عندي ممكن ناس تكون شافت الفيلم وشايفاني بأفور بس مش مهم كلها اذواق بس بجد فيلم حلو.